هر دؤش خستهلیگی خرچنگ دئییل
قادینلارین چوخو تئز-تئز دؤش آغریلاریندان شیکایت ائدیر. چوخ قورخولو اولان دؤش آغریلارینین خرچنگ خاریجینده ده خئیلی چوخ سببی اولا بیلر. پروف. در. عبدالله ایغجی، دؤش آغریلارینین نؤولرینی و بو آغریلارین قارشیسینی نئجه آلا بیلهجهیینیزی آشاغیداکی کیمی ایضاح ائدیر.
دؤش آغریسی، قادینلاردا ان چوخ شیکایتلنن آغریلاردان بیریدیر. آغری بیر و یا ایکی دؤشده فرقلی درجهلرده اولا بیلر. بو آغریلارین آنجاق 15-20%-نین موعالیجهیه احتیاجی واردیر. دؤشده آغری شیکایتی ایله حکیمه مراجعت ائدن خستهلرین ان بؤیوک قورخوسو خرچنگ اولما احتیماللاریدیر. اصلینده دؤش آغریسی ایله خرچنگ آراسیندا بیرباشا علاقه یوخدور. دؤشده آغرینین سببی، دؤشون اؤزوندن قایناقلانان پاتولوگییالار اولدوغو کیمی دؤش اطرافینداکی عضله، اویناق و سوموکلرده یارانان خستهلیکلر ده اولا بیلر.
دؤشده دؤورو (مئنوستراسییا ایله علاقهلی) و قئیری-دؤورو (مئنوستراسییا ایله علاقهسی اولمایان، داواملی) اولماق عذره ایکی تیپ آغری مئیدانا گلیر.
دؤورو آغری
دؤش هورمونلاری حساس بیر آغریدیر. آیباشی دؤورلریندن (مئنوستراسییا) سونرا یومورتالیقلاردان سئکرئسییالانان اؤستروژئن (اؤستروژئن هورمونو قیزلاردا بویون اوزانماسینا، قادین تیپینین مئیدانا گلمهسینه و دؤشون بؤیومهسینده ایشتیراک ائدیر. سسین اینجه اولماسی، دوداقلارین بؤیومهسی و قادین تیپی اومبا مئیدانا گلمهسینی اؤستروژئن تعمین ائدیر. قیزلاردا قول آلتی و گئنیتال اورقان اطرافینداکی توکلنمه یومورتالیقدان سئکرئسییالانان کیشی تیپی هورمونلار (آندروژئنلئر) سایهسینده اولار. اؤستروژئن هورمونو قادینلاری اورک خستهلیگیندن قورویار و قان خولئستئرولونو آزالدار) و پروگئستئرون هورمونو، (پروگئستئرون بدنده مایع ییغیلماسی و قاباریقلیقلارین اهمیتلی بیر سببیدیر. بونون سببی دوز عضلهلرده بوشالما و باغیرساقلاردا بو سببله قاز مئیدانا گلمهسیدیر)، دؤشو سود وئرمهیه حاضرلایار. بو هورمونلار، دؤشدهکی سود کاناللارینین و سود یارادان هوجئیرهلرین بؤیومهلرینه و چوخالمالارینا سبب اولور. بو سببدن مئنوستراسییادان اول، دؤشده سو ییغاراق و دؤشون هجمینی آرتیراراق گرگینلییه سبب اولور. مئنوستراسییانین باشلاماسییلا بیرلیکده دؤش ایچینده یارانان ستروکتورلار تکرار نورمال اؤلچوسونه گئری دؤنر. دؤشدهکی بو هوجئیره چوخالمالاری و دؤش فورماسینین هجمینین بؤیویوب کیچیلمیسی نتیجهسینده فیبروکیستیک ستروکتورلار (آغری، یانما حیسسی و دؤشده کوتلهلرین اله گلمهسی ایله اؤزونو گؤسترن فیبروکیستیک دیَیشیکلیکلر) مئیدانا گلر. آیباشیدان اولکی دؤورده دؤشده گرگینلیک و آغری نورمالدیر. مئنوستراسییانین باشلاماسییلا بیرلیکده آغری و گرگینلیک ایتر. بضا آغریلارین شدّتی آرتا بیلر. دؤش آغریلارینین 70-80%-بیر بو شکیلده حیسس اولونور. عمومیتله 30-40 یاشلاریندا داها چوخ گؤرونن دؤورو آغریلارین سببلری آراسیندا هورمونال (اوستروژئن و پروگئستئرون) دیَیشیکلیکلر، آیباشی نیزامسیزلیقلاری، پرولاکتین هورمونونون آرتماسی (کیشیلر جینسی علاقه زامانی اورقازم اولارکن اونلارین اورقانیزمینده فیزیکی یورغونلوقلا برابر هم ده احوال-روحیهنی قالدیران و یوخو گتیرن پرولاکتین آدلی هورمونون سویهسینین آرتماسی اونلارین جینسی علاقهدن سونرا یوخویا گئتمهسینه سبب اولور. قادینلاردا ایسه تام عکسینه اولاراق جینسی علاقه زامانی پرولاکتین هورمونو ایله برابر جینسی ایستیی آرتیران اوکسیتوسین هورمونو دا ایفراز اولونور)، دوغوم ایداره ائدن هبلر، کلیماکس دؤورونده هورمون رئپلاسما موعالیجهسی (دوغوش قابیلیتینین ایتدیگی 48-55 یاش آراسی دؤوره "کلیماکس" آدی وئریرلر)، سترئس، کدر، دوزلو یئمک، چوخ کوفئ ایچمک و یاغلی یئمکلر ایشتیراک ائدر.
آغرییلا علاقه دار توصیهلر:
دؤشو آلتدان دستکلهین اویغون بوستهالتئر ایستیفاده ائتمک،
دوزلو یئمیی آزالتماق،
کوفئ ایچمیی آزالتماق،
یاغلی یئمیی آزالداراق لیفلی قیدا و مئیوه یئمیی آرتیرماق،
کؤکلمهمک، چوخ گزمک و ایدمان ائتمک.
دؤورو آغرینین موعالیجهسی:
دؤشده یارانان آیباشی اولی دؤورو آغریلارینین 20%-نی درمانلا موعالیجهیه احتیاجی واردیر. آسپیرین، پاراسئتامول و یا آنتیفیلوژیستیک درمانلار (یانغینی و قیزدیرمانی آزالدان)، آغرینین آزالماسیندا تأثیرلی اولارلار. ب1، ب6 و ائ ویتامین پرئپئراتلاری و ماهود چیچیینین یاغی (ائوئنینگ پریمروسئ اویل)، دؤشده راحتلیغی تعمین ائدیر. بروموکریپتین، دانازول کیمی درمانلار دا چوخ لازیملی اولدوغو زامان ایستیفاده ائدیلر آنجاق بو جور درمانلارین چوخ جدی یان تأثیرلری واردیر.
قئیری-دؤورو آغری (نونپئرییودیک)
قئیری-دؤورو آغری آغری، دؤشده آیباشی دؤورلریله علاقه دار اولمادان مئیدانا گلیر. آغری، دؤشون موعیین بیر بؤلگهسینده حیسس ائدیلر و عمومیتله 40-50 یاشلاردا گؤرولر. آغری بضا قولدا، چیگین و یا قول آلتیندا دا حیسس ائدیلر. آیریجا چیگین، قول و یا عضلهده یارانان خستهلیکلردهکی آغری دا دؤشده حیسس ائدیلر. زده، دؤشده سرعتلی بؤیوموش ماکروکیستلر، فیبروادئنوم، دؤش ایلتیهابلاری، سود کانالی اطرافیندا یارانان ایلتیهابلار و سترئس دؤشلرده یاغ نئیروزو مئیدانا گلمهسی دؤشده آغرییا گتیریب چیخارار. آیریجا عضله آغریسی، چیگین اویناغینداکی رئوماتیزما خستهلیکلردن قایناقلانان آغریلار دؤشده ده حیسس ائدیلر.
قئیری-دؤورو آغرینین موعالیجهسی
موعالیجهلر آغرینین تیپینه گؤره دیَیشیلر. بؤیوموش کیستلرین آسپیراسیونو، (تنففوس یولونداکی نفس بوروسو یاخود آغجییردهکی مایع و یا قاتی بیر ماددهنین عمیلمهمهسی) دؤش ایچینده بؤیوین کوتلهلرین عملیاتلا چیخاریلماسی، دؤش ایچینده و یا سود کانالی اطرافینداکی ایلتیهابلارین آنتیبیوتیک درمانلارلا قورودولماسی، سترئسین گتیریب چیخارتدیغی آغریلار اوچون آنکسییولیتیک درمانلار آلینماسی (جانلیلاردا سترئسسله یارانان علامتلری آرادان قالدیران درمان)، عضله آغریسی و یا رئوماتیزما سببلری ایله باغلی دؤش آغریلاریندا ایستیقامتلی موعالیجه ائدیلمهسی بونلاردان بعضیلریدیر.
جاوان قالماغین یوللاری
چوخ یئمهیین
قبول ائدیلمیش گوندهلیک 2500 کالوری عوضینه 1500 کالوری ایله کئچینمهیه جالیشین. بونونلا سیز هوجئیرهلرینیزه دوشن یوکو 50 فایزه قدر آزالتمیش و اونلارین آکتیولیگینی تعمین ائتمیش اولارسینیز. چونکی، نه قدر یوکلهنیرسه اونلارین یئنیلنمهسی بیر او قدر تئزلشیر (هوجئیرهلر تئزلشدیکجه بئله دئمک اولارسا اونلارین اورقانیزمده تزلنمهسی لیمیتی واختیندان اول بیتیر) بونونلادا اورقانیزمین خستهلیکلره و میکروبلارا قارشی گوجو آزالیر.
قیدا راسیونونوز یاشینیز اویگون اولمالیدیر
مثلا یاشی 30-دان یوخاری اولان قادینلار قوندهلیک قیدالارینا آز میقداردا قارا جییر و قوز لپهسی داخیل ائتمکله قیریشلارین یارانماسینی 10 ایلهدک لنگیده بیلرلر. 40 یاشیندان یوخاری قادینلار ایسه داها جوخ ترکیبینده بئتاکاروتین (یئرکؤکو، یومورتا ساریسی و سایر ساری رنگلی قیدالارین ترکیبینده اولان نارینجی-ساری رنگلی پیقمئنت) اولان قیدالار قبول ائتمهلیدیر. بو یاشدا اولان کیشیلر ایسه ترکیبینده سئلئن ماددهسی اولان پئندیر و قارا جییر کیمی قیدالار قبول ائتمهلیدیرلر. خاطیرلاداق کی، سئلئن سترئسسین قارشیسینی آلان ان ائففئکتیو مادده حساب اولونور. 50 یاشینی اؤتموش اینسانلارین قیدا راسیونونون اساسینی ایسه ماقنی ایله زنگین عرضاقلار توتمالیدیر. عومرونو یاری ائتمیش اینسانلارین همچینین بالیق و دیگر دنیز محصوللاریندان ایستیفاده ائتمهسی ده واجیبدیر. جونکی بو محصوللار اورک-دامار خستهلیکلرینین قارشیسینی آلیر و قانین دؤورئتمهسینی انگللهین سببلری آرادان قالدیریر.
ایش اینسانین جؤوهریدیر
آتالارین یوز ایللر اول دئدیکلری بو مثل گونوموزده علمی تجروبه ایله ثبوتا یئتیریلیب. بئله کی، تدقیقاتلار نتیجهسینده معلوم اولوب کی، آکتیو حیات طرزی سورن اینسانلاردا قوجالما و آرتیق چکی پروبلئمینه دیگرلرینه نیسبتن 80 فایز آز راست گلینیر. یئری گلمیشکن قئید ائدک کی، اورتا یاشلاریندا فیزیکی ایشلرله مشغول اولان اینسانلار یاشلاری اؤتدوکده بئله فورمالارینی قوروماق اوچون بعضی “آغیر” ایشلرله مشغول اولمالیدیرلار. مثلا یئر بئللئمک، اودون قیرماق و س. شهر یئرلرینده یاشایانلار ایسه بو ایشلری پییادا گزینتیلرله ده عوض ائده بیلرلر. بیر ماراقلی مقامی دا دقتینیزه چاتدیرماق ایستردیک: تدقیقاتلار نتیجهسینده موعیین ائدیلیب کی، دیریژورلار، فیلوسافلار، رسساملار و روحانیلرده قوجالما پروسئسی داها لنگ گئدیر. بو ایسه همین پئشهلرین هله ده سیرلی قالان مقاملاریدیر.
اؤز تایینی تاپ
قوجالمانین قارشیسینی آلان ان ائففئکتیو واسطهلبدن بیری ده قریبه ده اولسا سئوگی و نوازیشدیر. عالیملر موعیین ائدیبلر کی، سئون اینسانلارین اورقانیزمی ائندوفین ماددهسی ایفراز ائدیر کی، بو ماددهنی ده قئیری رسمی اولاراق خوشبختلیک هورمونو آدلاندیریرلار. ائندوفین ایممون سیستمینی گوجلندیریر و اینسان سیماسینا قئیری-آدی خوشبختلیک جیزگیلری قاتیر. اودور کی، قوجالماق ایستهمهینلر اؤز یاخینلاریندان سئوگی و نوازیشلرینی اکسیک ائتمهمهلی، گونده هئچ اولماسا بیر نئچه دفعه دیللرینه “سنی سئویرم” کلمهسینی گتیرمهلیدیرلر.
عقیدهنیزده مؤحکم اولون.
حیاتدا شعورلو شکیلده یاشایانلار عکس قوتبده دایانانلارا نیسبتن داها آز دئپرئسسییا و روح دوشگونلویو ایله اوزلشیرلر. چونکی اونلار اؤز یوللارینی اؤزلری سئچیرلر و هر هانسی بیر وئررکن اونون بوتون منفی و موسبت طرفلرینی دوشونورلر. ائله بو سببدن ده حتی ان پیس وضعیته دوشدوکده بئله اونا اولجهدن حاضرلیقلی اولورلار.
اؤز یولو و عقیدهسی اولماییب حیاتین آخاری ایله گئدنلرده ایسه قوجالما و دئپرئسسییا حاللاری داها تئز باش وئریر. ستاتیستیکا دا گؤستریر کی، اینتیهار حاللارینین اکثر حیصهسی محض بو تیپ اینسانلارین پایینا دوشور.
حرکت حیاتدیر
تدقیقاتلار نتیجهسینده ثبوتا یئتیریلیب کی، گوندهلیک اولاراق 8-10 دقیقه ایدمانلا مشغول اولان اینسانلاردا قوجالما داها گئج باش وئریر. چونکی موتمادی حرکت ائتمکله 25-30 یاش آراسیندا اورقانیزمده کسیلمهلی اولان بوی هورمونونون ایفرازی مدتینی خئیلی اوزاتماق مومکوندور. بو زامان بویونوز آرتماسا دا اینکیشاف پروسئسی ان آزی 5 ایل آرتیق داوام ائدهجک.
سرین اوتاقدا یاتین
بئین الخالق حکیملر قروپونون تاپینتیلاریندان بیری ده یاتاق اوتاغینداکی هرارتین قوجالمایا تأثیری ایله باغلی اولوب. اونلار آیدینلاشدیریبلار کی، 17-18 درجه هرارت اولان اوتاقدا یاتان شخصلرده قوجالما پروسئسی داها لنگ گئدیر. عالیملر بونون سببینی مولاییم ایقلیمده اورقانیزمده ماددهلر موبادیلهسینین داها لنگ گئتمهسی ایله ایضاح ائدیرلر. پروسئسین لنگ گئتمهسی ایسه هوجئیرهلرین تئز قوجالماسینین و تلف اولماسینین قارشیسینی آلیر. سرین هاوا عاملی همچینین مولاییم ایقلیملی رئگیونلاردا یاشایان اینسانلارا دا تأثیر ائدیر. بئله کی، اورتا ایقلیم قورشاغیندا یاشایان اینسانلار دیگر ایقلیم شرایطینده یاشایانلارا نیسبتن داها گئج قوجالیر و اوزونؤمورلو اولورلار.
کئفینیزدن قالمایین.
بضا حکیملر موعیین خستهلیکلره مئیللی اولان اینسانلارا هر هانسی بیر ایشی گؤرمیی و یا قیدانی قبول ائتمیی قاداغان ائدیرلر. قریبه ده اولسا بئین الخالق حکیملر قروپو اؤز کوللئقالارینین بو تیپ تؤوسیهلرینی ده اینسانی قوجالدان اینسانی قوجالدان عامللر سیراسینا داخیل ائدیرلر. اونلارین فیکرینجه قاداغالارا رغمن بعضی واختلاردا اونلاردان کنارا چیخماق لازیمدیر. چونکی قاداگالار عادتا دادلی و شیرین قیدالارا عاید ائدیلیر. و بو زامان اینسان نفسی ایله حکیم مصلحتی آراسیندا سئچیم ائتمهلی اولور – نفسی شکدیگی یئمیی ایستسه ده حکیم قاداگاسی اونون قارشیسینی کسیر. بو قارشیدیرما ایسه اینساندا عسسب، سترئسس و پسیخولوژی گرگینلیک یارادیر. سؤزوگودن عامللر ایسه قوجالمایا آپاران اساس سببلردن حساب اولونور. اودور کی، بضا حکیملرین قویدوقلاری قاداغالارا رغمن نفسینیزین ده سؤزونه باخمالیسینیز. آنجاق بیر شرطله کی، بو عادت حالینی آلماسین.
حیسسلرینیزی گیزلتمهیین
اؤزونو دایم هر شئیده تقسیرلی بیلمک و حیاتین بوتون اوغورسوزلقلاریندا یالنیز اؤزونو گوناهلاندیرماق دا قوجالماغا و قورخونج خستهلیکلره موبتلا اولماغا سبب اولور. حکیملر بئله اینسانلارا بیر آز “بیوئج” اولماغی، هر شئیی اورکلرینه یاخین بوراخماماغی مصلحت گؤرورلر. پسیخولوقلارین فیکرینجه اینسان شادلیغینی و عصبیلیگینی بیروزه وئرمهلیدیر. حیسسلرینی قلبینده بوغان اینسانلار حیاتدا دایم اوغورسوزلوقلف قارشیلاشیر، سئوگیلریندن محروم اولور و دایم ازیلیرلر. بوتون بونلار ایسه سون نتیجهده اونلاردا پسیخیکا پوزغونلوغو، روح دوشکونلویو و سترئسس یارادیر.
بئینینیزی مشق ائتدیرین
عادتا ذهنی ایشله مشغول اولانلارین تئز قوجالمالاری حاقدا فیکیر سؤیلهنیلیر. لاکین سون تدقیقاتلار بونون عکسینی ثبوت ائدیر. سن دئمه عقلی اینسانین قوجالماسینا و پئشه خستهلیکلرینه موبتلا اولماسینا اونون هانسی ایشله مغول اولماسی تأثیر ائتمیر. پئشه خستهلیکلرینین سببی ایسه ایشه حددن آرتیق آلوده اولدوقدا و یا امک گیگییئناسینا عمل ائتمهدیکده یارانیر. اودور کی، “ذهنی ایش اینسانی قوجالدیر” دئییب بئینینیزی پاسسیولشدیرمهیین. هم ده ذهنی ایش دئدیکده تکجه علمی ایش نظرده توتولمور. بئینی پاسسیو ساخلاماماق اوچون دوکاندان آلوئر ائدرکن یئکون قییمتی حسابلاماغینیز دا کیفایت ائدیر. ذهنی مشغولیتین ان ساده یولو ایسه کروسسوورد حل ائتمکدیر. بونونلا سیز هم بوش واختینیزی ثمرهلی کئچیرر، هم ده اؤزونوزو و بئینینیزی قوجالماقدان قوروموش اولارسینیز
گوندهلیک حیات طرزیمیز نئجهدیر؟
1.درینین وضعیتینی یاخشیلاشدیرماق اوچون.قهوه و قیرمیزی شراب اوز دریسی دامارلارینی گئنیشلندیریر،همچینین دری پیگینین سئکرئسییاسینی گوجلندیریر و ایلتیهابا گتیریب چیخاریر.ترکیبینده یوکسک کونسئروانت و بویاق ماددهسی اولان محصوللار دئرتامینین یارانماسینا یول آچیر.درینین تمیز اولماسی اوچون سادالادیغیمیز ایچکیلردن ایمتینا ائدیب راسییونونوزا لوبیا (ترکیبیندهکی زولال بیتیشدیریجی توخومالارین برپاسینا کؤمک ائدیر)،قیزیلبالیق،زئیتون یاغی (یاغلی تورشولارین تأثیری آلتیندا اورقانیزمی نم ساخلاییر) و کسمیک (سئلئن منبعییدیر،یعنی ان واجیب آنتیتوکسیناتیر) علاوه ائدین.
2.مئنستوراسییا اؤنجهسی سیندرومون یونگوللشمهسی اوچون.آغیر مئنستوراسییا اؤنجهسی سیندروم زامانی آغریکهسیجیلر چوخ واخت کؤمک ائتمیر.بو پروبلئمی یالنیز دوزگون قیدالانماقلا آرادان قالدیرماق اولار.گونده 1-2 قرام کالسیوم قبول ائتدیکده بو سیمتومپلار 48%-دک آزالیر.بئلهلیکله ،اورقانیزمی کالسیوملا تعمین ائتمک اوچون هر سحر 1 یومورتا (27مق)،ناهار واختی برک پئندیر (300مق) یئمهنیز مصلحت گؤرولور.
3.نفهسی طراوتلندیرمک اوچون .آغزینیزدان گلن پیس قوخونون سببی دیلده و دیشلر آراسیندا ییغیلان باکتئرییالاردیر.تأسف کی،نانهلی ،ترکیبینده شکر اولان کونفئتلر اونلارین سایینین داها دا چوخالدیر.یاپون عالیملرینین فیکرینجه ،قاتقیسیز طبیعی یوقورتلار نفسده اولان سولفاتین درجهسینی آشاغی سالیر و دئزودوراسییا ائففئکتی وئریر.
4.دیرناقلارین مؤحکملندیریلمهسی اوچون.اگر دیرناقلارینیز تئز-تئز سینیر و باخیمسیز گؤرسهنیرسه ،موطلق گوندهلیک راسییونونوزو بیر داها گؤزدن کئچیرین ،بلکه یئدیگینیز محصوللارین ترکیبینده زولال چاتیشمازلیغی وار.24 ساعت عرضینده یئدیگینیز یئمکلرین ترکیبینده ان آزی 45 مق زولال اولمالیدیر.بونا گؤره ده مئنیویا هیند تویوغو،مال اتی،گؤبلک علاوه ائدین.همچینین لپهنی ده اونوتمایین،اساساً یئرفیندیغینی،چونکی او،دیرناقلارین ساغلاملیغینا موسبت تأثیر ائدن کالسیوملا زنگیندیر.
5.ساچلارینیزین مؤحکم و پاریلتیلی اولماسی اوچون.ساچ تؤکولمهسینین سببی آدی سینک چاتیشمامازلیغی دا اولا بیلر.گونده جمعی 8 قرام سینک قبول ائتمکله بو پروبلئمین اؤهدهسیندن گلمک مومکوندور،بونون اوچون کراب و یاشیل نوخود یئمک کیفایت ائدیر.همچینین ساچلارین پارلاق اولماسی اوچون ات،بالیق و یارما یئمهنیز مصلحتدیر.یارما قیدالاندیریجی ماددهلرین هزمینی یاخشیلاشدیران توخومانین اساس منبعییدیر.ساچ دیبینین مؤحکملیگی اوچون ایسه موطلق گونون سونوندا یاشیل چای ایچمهنیز واجیبدیر.
6.باش آغریسیندان آزاد اولماق اوچون.اگر تئز-تئز باش آغریسیندان اذیت چکیرسینیزسه ،او زامان پئندیر،سیتروس مئیوهلری،چیپس،قیرمیزی شراب ،پیوه و شامپاندان ایمتینا ائدین،چونکی اونلار دامار گئنیشلنمهسینه سبب اولور.بو حالدا دامارلاری دارالدان توند شکرلی قارا چای ،طبیعی قهوه ایچمهنیز مصلحتدیر.حکیملرین تدقیقاتینا گؤره باش آغریلارینا سبب اورقانیزمده اولان ماقنئزیوم آزلیغیدیر.داها چوخ ماقنئزیوم هیند لپهسی و قاباغین قوورولموش تومونون ترکیبیندهدیر.اونلاری سالات و شوربالارا دا علاوه ائتمک اولار.
7.ایدماندان سونرا عضلهلرده عمله گلن آغریدان قورتولماق اوچون.سحر ایدماندان سونرا سیییق یئیین.سیییغین خئیی آرتیق تستیقلهنیب.اوستیندهکی تئخاس اونیوئرسیتئتینین عالیملری الدن دوشموش وئلوسیپئدچیلره بیر نئچه هفته عرضینده یالنیز یالنیز یاغسیز سودده بیشمیش سیییق یئمیی تؤوسیه ائدیبلر.معلوم اولوب کی،دنلی بیتکیلر عضلهلرین برپاسی اوچون ستیمول یارادیر و اونلارین ائنئرژی احتیاطینی آرتیریر.آلبالی شیرهسی آنتوسیان و آنتیتوکسینات ایله زنگیندیر، بو دا یورغونلوق و سویوقلامانین قارشیسینی آلیر.
ماددهلر موبادیلسینی سرعتلندیرمیین 12 یولو
سلام, سئویملی سایتیمیزین عزیز ساکینلری و قوناقلاری!
فیکیرلشیرم کی, بیزیم چوخوموز دفعهلرله اوزوموزه بئله سوال وئرمیشیک:- نه اوچون بیر چوخ اینسانلار هر جور یئمیی چوخلو میقداردا یئیه بیلیرلر, بعضیلری ایسه یئمک حاقیندا آنجاق بیر جور فیکیرلشیرلر? جاواب چوخ سادهدیر. بوتون ایشلر ماددهلر موبادیلسینین سرعتیندهدیر, هانسی کی, گئنلر, اورقانیزمین قانونو, یاش حددی, جینس, حتی ائموسیونال حیسسلر کیمی فاکتورلارلا تعیین ائدیلیر. تامامیله آیدیندیر کی, آخیرینجیدان باشقا قالان فاکتورلاری دییشمک مومکون دئییل. اما , هر حالدا اورقانیزمی آلداداراق ماددهلر موبادیلسینی سرعتلندیرمهک اولار. اومید ائدیرمکی بو معلومات کیمین اوچونسه خئییرلی اولاجاق. بیر واختلار بو پروسئدورا و قایدالار منه خستلیکدن سونرا نورمال وضعیته قاییتماغا کؤمک اولموشدور.
آشاغیداکی پونکتلار شخسن منیم روسییادا یاشایان بیر رفیقم طرفیندن سینانیلیب و یاخشی تأثیر گؤستریب. اولا بیلر کی, ماددهلر موبادیلسینی سرعتلندیرهن باشقا واسطهلر ده وار. آنجاق من اونلاری یوخلامادیغیم اوچون سیزه مصلحت گؤره بیلمرم.
1. تئز-تئز, اما آز-آز یئمک. بو حقیقتی , منجه, هامی بیلیر, آنجاق من بو بارده یازمایا بیلمهدیم. گونده 5-6 دفعه قیدا قبول ائتمک اوپتیمال قایدا حساب اولونور. نظره آلماق لازیمدیر کی, بیر دنه آلما یئمک ده قیدا قبولو ساییلیر. بورادا خصوصی دقت سحر و گونورتا یئمیینه وئریلملیدیر. چوخدان معلومدور کی, گونورتایا قدر یئییلن قیدا ائنئرژییه چئوریلیر. اما, گونون ایکینجی یاریسیندا بیز چوخ یئمکله آرتیق چکییه ریسک ائتمیش اولوروق.
قئید: البته هامییا ئویغون اولان بیر قیدالانما فورمولو یوخدور. ئونوتماق اولمازکی هر بیر اینسان فردیدیر و بونا گؤره ده هر کس اوزونو اورقانیزمینین طلبینه ئویغون کؤکلملیدیر.
2.مایئنی یئمکدن ان آزی 10 دقیقه قاباق, 30 دقیقه سونرا قبول ائتمک لازیمدیر. ایش اوندادیر کی, مایئ اورقانیزمدن یئمیه نیسبتن 3 دفعه تئز ایخراج اولونور. دئمهلی, قیدانین اوستونه مایئ علاوه ائتدیکده, بو ماددهلر موبادیلسینی سرعتلندیرمیر, عکسینه گئجیکدیریر.
3. دابان ماسساژی. بیز بیلیریک کی, داباندا بوتون اورقانلارلا باغلی اولان آکتیو نقطهلر واردیر. او جملهدن, آیاقلاردا. داواملی اولاراق آیاقلارینیزی ماسساژ ائدین. بونونلا سیز ماددهلر موبادیلسینی آرتیرماقلا برابر, حمده اوز ایممونیتئتینیزی مؤحکملندیرجکسینیز.
4. سویوق دوش قبولو. تئرمینال ماسساژ و یا دوش قبولو مئتابولیسم پروسئسینه احمییتلی درجهده موسبت تأثیر ائدیر. بوندان علاوه, مونتزم دوش قبولو ایله سیز درینیزی یومشاق و ظریف ائدر, قان دؤورانینی نورماللاشدیرارسینیز.
5. دوزلو سو ایله سیلینمک. هر دفعه دوشدان سونرا دوزلو محلولدا ایسلادیلمیش دسماللا سیلینین. بونون اوچون 1لیتر سویا 3 خؤرک قاشیغی دوز و 1 قاشیق سیرکه قاتین. آدی حالدا متبخ دسمالیندان, یوخ اگر درینیز چوخ هسساسدیرسا یومشاق دسمالدان ایستیفاده ائدین. آرتیق 2-جی دفعهدن سونرا نتیجه اوزونو گؤسترجک. دری یومشاق و ظریف اولاجاق. اگر هر شئیی دوز ائتسنیز, درینیزده قیزارتیلار اولاجاق. اما قورخمایین, قیزارتی بیر نئچه دقیقیه چکیلجک. واختدان آسیلی اولاراق, یا بوتون بدنی, یا دا پروبلئملی ذونالاری دایم بئله ماسساژ ائده بیلرسینیز.
6. ایدمانلا مشغول اولون. ایدمان عزله کوتلسینی نورمایا سالیر. عزله کوتلسینده ایسه پییی اریدن اساس کاتالیزاتورلار یئرلشیر. ایدمان تاپشیریغینی اوزونوز سئچین. بونون اوچون ایمکان و واختینیزی نظره آلین.
7. نورمال یوخو. لازیمی قدر یاتمادان ماددهلر موبادیلسینی نورماللاشدیرماق مومکون دئییل. بونا گؤره ده سوتکا عرضینده 6-7 ساعت یاتماق لازیمدیر. ایدئال نورما ایسه سوتکادا 8 ساعتدیر.
8. یود. اورقانیزمده یود چاتیشمازلیغی اورقانیزمده مئتوبولیزم پروسئسینی پوزماقلا برابر, دیگر فسادلارا دا یول آچیر. بونا گؤره ده مصلحت گؤرورم کی, هر گون 1 تابلتکا یودامارین قبول ائدسینیز.
قئید: 6 ادد آلما دندییی یئمکله گوندهلیک یود نورماسینی آلماق اولار. یود همچینین دنیز کلمینین ترکیبینده ده وار.
9. لیمون یئیک. لیمون ایممونیتئتی قالدیرماقلا برابر, هم ده ماددهلر موبادیلسینی برپا ائتمیه قادیردیر. شخسن منیم الا وردیشیم وار- اوشاقلیقدان لیمونو آلما کیمی یئمک.
10. ویتامینلر ماددهلر موبادیلهسی پروسئسینی سرعتلندیریر. من مولتیتابسا و آسکوربینا ویتامین کومپلئکسلری قبول ائدیرهم.
11. تمیز هاوا. اوکسیگئن دریالتی پییی اریتمیه قادیردیر. چالیشین کی, تمیز هاوادا چوخ گزسینیز. بو نینکی خئییرلیدیر, هم ده اولدوقجا خوش تأثیر باغیشلاییر.
12. آروماتئراپییا. موژژئوئلنیکین (آذربایجان دیلینده آدینی بیلمیرم. بیلن وارسا یازسین.) بیر بانکا ائفیر یاغی هر بیر قادینین احتیاطیندا اولمالیدیر. 5-6 دامجی بو یاغدان قاینار سویا علاوه ائتمک (واننادا) ماددهلر موبادیلسینی سرعتلندیریر و عزله آغریسینیارادان قالدیریر. اساسن ایدماندان سونراکی عزله آغریسینا موسبت تأثیر گؤستریر.
اومیدوارام کی, منیم مصلحتلریم سیزه بو یولدا یاردیمچی اولاجاق. و اگر سیز نه ایسه علاوه ائتسنیز, بونا چوخ شاد اولارام.
دقتینیزه گؤره میننتدارام!