گؤزل آیاقلارین سیرری
هر قادین، بدنینین سینهلردن سونرا ان چوخ دقتی جلب ائدن حیصهسی اولان آیاقلارینین دا قوسورسوز گؤرونمهسینی ایستر. بودور متخصصلرین، معجزه آیاقلارا صاحب اولماق اوچون تؤوسیه ائتدیگی مشقلر.
آشاغیداکی مشقلری سیرایلا و ایفاده ائدیلن مدتلر ایله تطبیق ائدین. گونده 20 دقیقهنیزی آییراراق داها گوجلو و قوسورسوز گؤرونن آیاقلارا صاحب اولا بیلرسینیز. بئلهلیکله بویورون؛
گزرکن توپوقلارینیزا باسماق یئرینه بارماق اوجلارینیزا باسماغی عادت ائدین، توپوقلارینیزی یئره دیَدیرمهدن گئتمهیه چالیشین. بو، گؤودهنیزین بیر آز اؤنه اییلمهسینه و بوتون قیچینیزین، خصوصیله ده اویلوک سومویونون اؤن قیسیمینین ایشینی تعمین ائدر. بو شکیلده 5 دقیقه گئدین.
ساغ آیاغینیزلا ایرهلی دوغرو بؤیوک بیر آددیم آتین. ساغ دیزینیزین دوغرو بیر بوجاقلا بوکولمهسی لازیمدیر. داها سونرا سول قیچینیزلا دا بؤیوک بیر آددیم آتین. یئنه بدنینیز ایرهلییه هوجوم ائدر مؤوقئسینده اولسون. یئنه بارماق اوجلارینیزلا قاچیشین؛ اما ایرهلی دوغرو هر آددیمینیزدا دیزلرینیزی مومکون اولدوغو قدر یوخاری چکمهیه چالیشین. توپوقلارینیزی یئره دیَدیرمهیین. بئلهجه بالدیرلارینیزی جدی شکیلده ایشلتمیش اولارسینیز. 30 سانییه حرکت ائدین، 30 سانییه استراحت ائدهرک بئش دفعه بو حرکتی تکرارلایین.
بارماق اوجلارینیزدا قاچماغا داوام ائدین، آنجاق بو دفعه هر آددیمینیزدا توپوقلارینیزی اومبانیزا دیَدیرمهیه چالیشین. بالدیرلارینیزین آرخا قیسیمینی ایشلهدن بو حرکتی 30 سانییه آرا وئرمکله،2-3 دقیقه مدتینده 5 دفعه تکرارلایین.